كيف تبدأ مشروع طباعة تيشرتات من الصفر؟ دليل عملي من مطبعة PrintGraphic
مقدمة:
بزاف ديال الناس كيسولوني: “بغيت نبدأ مشروع ديال التيشرتات، شنو خاصني؟”، وفعلاً هاد المجال فيه فرص، ولكن خاصك تدخل بأساس قوي، خصوصاً فالمغرب فين المنافسة بدات تكبر، ولكن الجودة مازال قليلة.
فهاد المقال، غادي نوريك خطوة بخطوة كيفاش تبدا مشروعك فـ الطباعة على التيشرتات، من غير كذوب ولا تعقيد.
1. حدّد شكون الزبون ديالك
قبل ما تشري ماكينة ولا تصاوب تيشرت، خاصك تجاوب على هاد السؤال:
- كتستهدف الشباب؟ الأطفال؟ شركات؟ عيالات؟ مغاربة الخارج؟
- بغيتي تصاميم عصرية؟ دينية؟ فكاهية؟ وطنية؟
كل ما عرفت السوق ديالك، كل ما خدمتك تولي مركزة وتشد.
2. اختار نوع الطباعة لي يليق بهدفك
- DTF: إذا بغيت ألوان زاهية وتصاميم معقدة
- Flex: إذا خدمتك بسيطة وكتستهدف أسماء أو أرقام
- Sublimation: إذا كتخدم غير على تيشرتات بيضاء بوليستر
نصيحة: فبداية المشروع، خدم مع مطبعة خارجية (بحالي أنا) باش تجرب السوق قبل ما تشري الآلات.
3. واش بغيتي تشري الماكينة؟ هادشي لي خاصك تعرف
إذا قررت تشري معدات الطباعة، ها شنو كاين حسب النوع:
Sublimation:
- طابعة إبسون A4 معدلة للسبليميشن: من 1200 إلى 1800 درهم
- بريسة حرارية عادية (38x38cm): من 1500 إلى 2500 درهم
- مواد مساعدة: أوراق سبليميشن + حبر خاص (300 درهم تقريبا)
Flex:
- ماكينة ديكوب (Cameo أو مشابه): من 3000 إلى 5000 درهم
- بريسة حرارية: نفس البريسة تستعمل
- رول فينيل حراري (Flex): من 80 إلى 120 درهم للرول الصغير
DTF:
- ماكينة DTF عرض 30cm: من 9000 إلى 13000 درهم
- ماكينة DTF عرض 60cm: من 18000 إلى 28000 درهم
- حبر + بودرة + ورق فيلم خاص: شهرياً تقريبا من 500 إلى 1500 درهم حسب الإنتاج
نصيحة شخصية: متسرعش، جرب السوق أولاً، ووقت ما حسيت براسك جاهز للإنتاج، دير استثمار محسوب.
4. التصميم: هو لي غادي يبيع
- خدم تصاميم حصرية فيها رسالة أو نكتة أو هوية
- ما تنقلش من غوغل! راه كاين مشاكل حقوق
- خدم ستيل خاص بك: خط، لون، طريقة عرض
PrintGraphic كتعاونك فتصميم تيشرت من الصفر، حتى لو عندك غير فكرة.
5. الطبع والتجربة
- خدم أول batch صغير: 10 – 20 تيشرت
- جرب جودة التيشرت، الألوان، الطباعة، التفاعل ديال الناس
- صوّر الخدمة وشاركها فـ TikTok, Instagram, WhatsApp
أول تيشرت هو البداية، ماشي الهدف النهائي.
6. التسويق: بلا ما تكون مشهور
- صور التيشرت بواحد لابسها بطريقة فنية
- ستوري كل نهار فـ WhatsApp Business
- فيديوهات قصيرة فيها: التصميم > الطبع > النتيجة
- جمع تعاليق الناس وخليهم يشاركو الصور
نصيحة: بدا بخدمة قليلة ولكن بواحد الجودة والستايل لي يعلق فالبال.
7. التوصيل والطريقة الذكية
- خدم مع شركات توصيل محلية
- ولا دير خدمة “توصيل فـ نفس النهار” داخل المدينة ديالك
- دير الدفع عند التسليم فالمرحلة الأولى
شحال خاصك باش تبدا؟
إذا خدمتي مع مطبعة:
- تصميم: مجاني أو 50 درهم
- طبع 10 تيشرتات: من 350 إلى 500 درهم
- التصوير والمحتوى: تقدر تديرو بهاتفك
- توصيل: حسب المدينة
يعني تقدر تبدا بميزانية من 500 درهم إلى 800 درهم فقط.
وإذا بغيت تشري معدات:
- Sublimation: من 3000 إلى 5000 درهم باش تبدا بسيستيم بسيط
- Flex: من 5000 إلى 7000 درهم
- DTF: من 10000 درهم وطالع حسب الحجم
الخلاصة:
مشروع التيشرتات ماشي غير طابعة وسبليمة. خاص فكرة، زبون محدد، جودة، وتسويق.
وحنا فـ PrintGraphic مستعدين نكونو الشريك التقني لي يطبع ليك حلمك تيشرت.
بغيتي تبدأ؟ عيط لينا، ومرحبا نوجهوك خطوة بخطوة.